SSWタクシー運送業(ဂျပန်တက္ကစီသယ်ယူပို့ဆောင်ရေးလုပ်ငန်း (ကျွမ်းကျင်လုပ်သား)အတန်း)

သင်တန်းအမည် - ဂျပန်နိုင်ငံ တက္ကစီ/ဟိုင်းယားယာဉ်မောင်းသင်တန်း
(စုစုပေါင်း ၁၇ နာရီကြာ အွန်လိုင်းဗီဒီယိုသင်တန်း)

ဤသင်တန်းသည် ဂျပန်နိုင်ငံတွင်တက္ကစီယာဉ်မောင်းအဖြစ်လုပ်ကိုင်လိုသူများအတွက်လိုအပ်သောအသိပညာများကိုအစိုးရမှအသိအမှတ်ပြုထားသောစာအုပ်အတိုင်း စနစ်တကျသင်ကြားပေးမည့်သင်တန်းဖြစ်ပါသည်။

သင်ရိုးညွှန်းတမ်း (သင်ခန်းစာ ခေါင်းစဉ်များ)

၁။ ဥပဒေရေးရာများ (Laws and Regulations)

ဂျပန်နိုင်ငံ၏သယ်ယူပို့ဆောင်ရေးလုပ်ငန်းခွင်တွင်မဖြစ်မနေသိထားရမည့်ဥပဒေများကိုသင်ကြားပေးပါမည်။

• လမ်းပန်းဆက်သွယ်ရေးဥပဒေ (Road Transport Law) : လုပ်ငန်းလိုင်စင်ရယူခြင်း၊ စည်းမျဉ်းများ။

• ယာဉ်စည်းကမ်းဥပဒေ (Road Traffic Law) : ယာဉ်မောင်းများလိုက်နာရမည့်စည်းကမ်းများ၊ အရှိန်နှုန်း၊ လမ်းကြောင်းအသုံးပြုပုံနှင့် ယာဉ်တိုက်မှုဖြစ်ပွားပါက လုပ်ဆောင်ရမည့်အချက်များ။

• ဝန်ဆောင်မှုလုပ်ငန်းဥပဒေ : ခရီးသည်တင်ယာဉ်လုပ်ငန်းခွင်တွင်လိုက်နာရမည့်စည်းမျဉ်းများ။

၂။ ဘေးကင်းလုံခြုံရေး (Safety Management)

ယာဉ်မောင်းတစ်ဦး၏အရေးကြီးဆုံးဖြစ်သောဘေးကင်းရေးကိုအဓိကထားသင်ကြားပေးပါမည်။

• ယာဉ်မောင်း၏တာဝန် : ဘေးကင်းစွာပို့ဆောင်ပေးရမည့်တာဝန်နှင့် ကျင့်ဝတ်များ။

• ယာဉ်မောင်းနှင်မှုဘေးကင်းရေး : ယာဉ်မမောင်းမီစစ်ဆေးရမည့်အချက်များ၊ မှန်ကန်သောအနေအထား၊ ဘေးကင်းသည့်အကွာအဝေးထိန်းသိမ်းခြင်းနှင့် အန္တရာယ်ကင်းရှင်းရေးနည်းလမ်းများ။

• ကျန်းမာရေးနှင့် အရက်သေစာ : အလုပ်ပင်ပန်းမှုကြောင့်ဖြစ်ပေါ်လာသည့်အန္တရာယ်များအားကာကွယ်ခြင်းနှင့် အရက်သေစာသောက်စားပြီးယာဉ်မောင်းနှင်မှု၏ပြစ်ဒဏ်များ။

၃။ ဝန်ဆောင်မှုပေးခြင်း (Customer Service/Omotenashi)

ဖောက်သည်များကိုရိုသေယဉ်ကျေးစွာဆက်ဆံနည်းများကိုလေ့ကျင့်ပေးပါမည်။

• ဖောက်သည်ကိုဆက်ဆံနည်း : အပြောအဆို၊ အမူအရာ၊ အဝတ်အစားနှင့် ယာဉ်သန့်ရှင်းရေး။

• လုပ်ငန်းစဉ် : ခရီးသည်တင်ခြင်း၊ နေရာချထားခြင်း၊ မီတာအသုံးပြုခြင်းနှင့် လမ်းကြောင်းရှာဖွေခြင်း။

• အထူးလိုအပ်ချက်ရှိသူများအားကူညီခြင်း:

  • မသန်စွမ်းသူများ၊ ကိုယ်ဝန်ဆောင်များအားကူညီဆောင်ရွက်ပေးခြင်း။

  • ဘီးတပ်ကုလားထိုင် (Wheelchair) အသုံးပြုသူများအားကူညီနည်း။

  • ယာဉ်မောင်းနှင်မှုတွင်အခက်အခဲရှိပါကလုပ်ဆောင်ရမည့်အချက်များ။

သင်တန်း၏ရည်ရွယ်ချက် - ဤသင်တန်းသည် "タクシー運送業" စာအုပ်ပါအကြောင်းအရာများကိုအပြည့်အဝအကျုံးဝင်အောင်သင်ကြားပေးမည်ဖြစ်ပြီး၊ ဂျပန်နိုင်ငံ၏ တက္ကစီလုပ်ငန်းခွင်တွင်လိုအပ်သောတရားဝင်ဥပဒေ၊ ဘေးကင်းလုံခြုံရေးနှင့် ဖောက်သည်ဝန်ဆောင်မှုဆိုင်ရာကျွမ်းကျင်မှုများကိုအပြည့်အဝရရှိစေရန်ရည်ရွယ်ပါသည်။